Kingornutassiaqarfiit KUJATAA ukiut tamaasa Qassiarsummi Igaliku-milu ilisimasortanik atorfinitsitsisarput. 

Piffissami 1.juni - 30.september.

Nunaqavissut takornarissanik angallassisutut ilinniarsimasut KUJATAA-niit ilisimasortatut sulisoraagut. 

Ilisimasortat suliassanik pissanganartunik neqeroorfigisarparput, tassani akisussaaffigisarpaat takornarissat tikittut nunaqarfik pillugu oqaluttuarfiginissaat. Aammalu piffissani sulissiusuni illukunik allanngutsaaliuinissamik akisussaaffimmik tigummiaqalertarlutik. Itsarnisarsiuut qanimut suleqatigisarpaat, aammalu nunaqarfik, nunaateqarneq, kalaallit aammalu qallunaatsiaat pillugu oqaluttuarnermik piginnaasaqartuullutik. 

Ilisimasortat takornarialerisut nunaqavissut qaninut suleqatigisinnaasarpaat, pingaarnermik umiarsuarnik tikittoqaraangat.

Ukiut kingilliit Kalaallit Nunaani takornarissanik tikinneqartarnera qaffariarujussuarnikuuvoq. Taamaammat KUJATAA-niit pingaartipparput ilisimasortagut atorfininnginnerini piareersarluarsimanissaai. Pinngortitarput paarilluarusullugu pingaartipparput ilisimasortatta takornarissanut inatsisigut ilisimaarilluassagaat. 

Ukioq manna nuannaarutigalugu nalunaarutigissavarput Aqqaluaq Frederiksen Qassiarsummi atorfinimmat, Igalikumilu Arnajaraq Bibi Bjerge aammalu Tupaarnaq Egede. 

Periarfissaqarputit angalaarinneqarnissannut inniminniinissannut, aqqani paasissutissat attaveqarfissallu takusinnaavatit: